一年一度女皇盃（一級賽2000米）將於周日（30日）在沙田馬場矚目舉行，法國代表「民間智慧」於檢疫馬房適應咗幾日後，今朝（24日）終於蒲頭，由外籍策騎員騎落跑道進行簡單踱步。

當經過沙田馬場跑道旁的坑渠時，呢匹四歲大隻仔仲好醒目咁跨過咗，精神面貌相當唔錯。

其練馬師巴托里寧的助手Laura Dell’Elce說：「馬兒今早只需要伸展一下四肢。在周日上陣之前，我們大概只會給牠安排一課快操便足夠了。」

雖然「民間智慧」係上年法國打吡大賽季軍，但馬主卻與香港大有淵源，就係本港大地產商信和集團主席黃志祥，唔怪得即使歐洲賽期就快開始，呢匹法蘭西代表都要來港跑大賽啦！