情侶檔拍新戲
Stephy肉搏Eason小方監場

蘋果日報 2011/04/28 00:00


【惠州直擊】由陳奕迅(Eason)、方力申和鄧麗欣(Stephy)等主演,劉鎮偉執導的電影《東成西就2011》,昨日在惠州開鏡。小方大爆女友Stephy和Eason在片中有肉體上的交流,並直認到時會監場。
劉鎮偉曾於92年邀請巨星張國榮、梁朝偉、張學友、林青霞和張曼玉等拍攝《射鵰英雄傳之東成西就》,事隔19年劉鎮偉再拍延續篇《東成西就2011》,由陳奕迅、方力申、鄧麗欣、莫文蔚(Karen)、鄭伊健、鍾鎮濤(阿B)和蘇永康主演,昨日眾演員齊集惠州出席開鏡儀式。
empty
方力申和鄧麗欣昨日合拍地以黑色情侶裝示人。
Eason玩到瞓地
Karen以大露背裝成為焦點,不過一對情侶小方和Stephy甚有默契穿上黑色情侶裝,即時搶風頭,小方更在台上自爆想做劉鎮偉的副導演。戴上墨鏡的Eason則在現場跳跳紮,又玩到瞓落地,認真搗蛋。
empty
一向調皮的陳奕迅興奮到瞓落地,小方還踢爆他與Stephy在片中有「肉體交流」。
阿B輔導女兒
小方和Stephy接受訪問時直言兩人甚少對手戲,小方搶說:「反而佢同Eason有對手戲,仲會有肉體上交流,如果拍嗰日我喺度都會去睇。」在片中扮英國紳士的Eason就否認與Stephy會有身體接觸,他說:「小方講嘢都好信,總之好難解釋,自己都期待同Stephy合作,不過我8個鐘頭內要試6個造型,我最啱做van仔佬。」
拍過92年《東西成就》的阿B今次會兼任顧問,他透露稍後家人會來探班。對於近日大女鍾嘉晴鬧爆章小蕙和盧覓雪,阿B說:「梗係啦,今次係講佢,自己有同個女輔導,人哋講人哋嘅事,街邊人點講就唔好理,有叫佢唔好再寫facebook,但佢要發洩,因為今次俾人屈。」
採訪、攝影:曾小嘉
empty
(左起)鍾鎮濤、莫文蔚、鄭伊健和陳奕迅昨日在惠州出席《東成西就2011》開鏡禮。