女攝記有消暑妙法
大馬天氣咁熱，喺街採訪真係幾辛苦。不過，呢度有位澳洲女攝影師，佢有自己一套消暑方法，而且佢嘅出現亦令一班男記者有「清涼」嘅感覺，點「清涼」法？之唔係LOWCUT、短裙加高跟鞋囉，着到咁性感影相，唔知會唔會令班車手分心呢？
汽車供老記使用好盞
一如以往，今屆環浮羅交怡單車賽，大會照顧記者非常周到，如果識得揸車嘅，大會就免費提供私家車，畀記者全日使用，上晝去採訪、夜晚約人去消夜都可以用，大會更預先派發油券。呢啲咁正嘅配套，相信就如奧運或世盃足賽大會都比下去。
最佳攝影獎爬山單車
另外，大會喺今屆新增最佳攝影獎項，畀各地攝影記者或記者報名參加，獎品都算唔錯㗎，冠軍有港幣三千幾銀同一架爬山單車，亞軍與季軍同樣都有爬山單車，不過獎金就只有二千幾同千幾。此外重會有二十個安慰獎，各人可得贊助商送嘅紀念品同證書一張。