和平佔中前晚喺城市大學舉行電影放映會，播放韓國電影《逆權大狀》為6.22全民投票籌款，約200幾人出席，最終籌到20幾萬。呢套《逆權大狀》其實係講一個律師點樣由一個唯利是圖嘅人，最後走上維權律師之途，為公義發聲，八方聽聞當晚有份去放映會嘅人話套戲好感人，連佔中發起人之一嘅陳健民，仲喺放映會後嘅分享會講到喊。
八方噚日問番陳健民，為乜感觸流淚？佢澄清冇做到喊包，「只是哽咽」，皆因套戲同佔中處境相似，大家都係為咗下一代唔好活喺一個荒唐嘅社會而奮鬥。最重要係佢哋面對好多誤解，就連家人亦面對好多壓力，又難怪佢有咁深感受。

【我撐公投】毅行直播
網頁: http://622popvote.appledaily.com