羅慧娟早前為商台節目《有誰共鳴》擔任嘉賓主持，講番自己七年前聽覺開始出現問題，睇過好多醫生都冇起色，最後只好接受現實。佢話當初曾經有尋死嘅念頭，好彩得信仰救咗佢咋。娟妹又話後嚟佢識咗位台灣畫家，對方由出世開始全身肌肉已經唔受控制，但佢憑努力成為台灣傑出青年，令娟妹發覺自己嘅痛苦只係小巫見大巫。