當年今日

現代Coupe化身開篷跑車

蘋果日報 2003/08/25 00:00


新一代現代Coupe雙門跑車由推出至今,一直備受追捧,但有不少車迷都認為,若廠方能為其推出開篷版本,定會令其吸引度大增;如果你都係咁諗的話,就一定會好開心喇!因為最近有外國傳媒報道,話現代廠方正密鑼緊鼓為Coupe研製硬頂開篷版,並預計於2005年中推出。從預想圖(右圖)中可以睇到,有望推出嘅現代Coupe開篷版,造型與現有硬頂型號(左圖)相近,但車頂則改用上電動硬摺頂配搭,既美觀之餘又見使用容易;至於車廂布局,暫時知道會與現有型號相近,但由於車子改用上開篷設計,故車身剛度會明顯增加,以保障車上乘客安全。然而,廠方亦會為新車提供多個引擎配搭選擇,當中包括頂級版一台2.7公升V6引擎,以切合不同嘅用家需要。看來當新車推出之時,開篷車界又會有一番龍爭虎鬥呢!
empty