謝霆鋒、許志安（安仔）、林海峰等，昨在南華會出席商台的「雷霆世界盃」活動，眾星連同數名南華球員李健和、高尼路和歐偉倫等組成商業電台邀請隊，跟南華足委隊作足球比賽，結果以四比五落敗。
安仔擔任前鋒
商業電台邀請陣容鼎盛，包括霆鋒守龍門，安仔任前鋒，商台主持更稱他「黃金左腳」。林海峰則負責中場。霆鋒昨非常落力，在撲球時，頭部不小心撞柱，幸好未有受傷。雖然霆鋒很努力，但在上半場仍連失三球。
對方越位犯規
霆鋒在中場休息時，接受記者訪問時說：「我已經好盡力，我失咗三球波，其中兩球其實係對方越位射入，而呢場波越位唔算犯規，另一球係自己抵死。不過覺得自己做得唔夠好，南華足委隊好專業，佢哋已經打得好鬆。」霆鋒昨日手戴的手套，乃好友陳奕迅在骨科醫生處購買的，以便霆鋒戴上參加球賽防止受傷。
對於內地報道有不法商人推出王菲自傳，內容涉及三級成分，霆鋒說：「呢啲嘢應該政府去處理，我今日（即昨日）嚟玩，唔講呢啲嘢。」
安仔則說：「我以前係南華足球隊，唔信可問梁守志（南華總監）。」記者向梁守志求證，他表示安仔曾是球隊的預備組。身為前鋒的安仔，在落場比賽時曾射波出界，他解釋：「我望上天見雀仔，所以咪分咗心囉！」
採訪：陳梅香
攝影：何國豪