「阿郭好錫我哋兩母女，寧願自己唔食唔着，都將最好嘅嘢留番畀我哋，𠵱家我冇咗佢，等於冇咗生活同精神支柱。」阿君的兩串淚珠，隨着傷感回憶潸潸而下。
三十歲的阿君，十年前邂逅較她年長二十五年的郭少恩，縱然受到親友強烈反對，阿君仍然義無反顧，決意與他共同生活，阿郭亦捨棄香港的事業，搬上內地居住，兩人育有一名女兒。阿郭從事送貨及繙譯，努力賺錢養妻活兒，一家三口生活樂也融融。
暫居臨時宿舍
豈料，阿郭於去年年初患上糖尿病，其間健康不斷惡化，甚至無法工作，阿君被迫問朋友借了數萬元給丈夫治病及維持生計。今年一月，阿郭病情急轉直下，被送往東莞虎門醫院搶救，但因阿君無法負擔每日二千元的住院費，遂使用跨境救護服務，將阿郭送返香港醫院診治。
「當時因為我冇雙程證，所以陪唔到阿郭返香港，點知佢捱到一月二十六號就過身，我連佢最後一面都見唔到，到𠵱家阿女都唔知佢爸爸已經唔喺度。」阿君嚎哭着說。
早前，阿君來港奔喪，暫居於福利機構的臨時宿舍，她拿着社會福利署撥出的千餘元，僅夠為亡夫草草火化，但卻無法負擔購買骨灰龕的數千元費用。
蘋果日報慈善基金有見阿君的情況，即時撥款一萬元，助她繳付亡夫骨灰龕及作為她與女兒的緊急生活費。
捐款編號：C0491