新車速報(1)：
奧迪A31.8TSport版好型喔！
近期備受年輕用家追捧嘅奧迪A3車系，繼早前代理引入新版本後，最近佢哋又運嚟裝有原廠包圍嘅A31.8TSport版，看來別具霸氣之餘，重追加有Tiptronic波箱嘅軚盤+/-按鍵，令轉檔更見得心應手又順暢呢！
記者、攝影：陳偉林
乘坐講究設備一流
除賣相吸引外，前後兩排高級皮椅配襯嘅車廂，既富格調見豪邁感外，一雙前排桶椅貼身剪裁承托力足之餘，座墊下嘅雜物匣亦好實用。另外重追加有軚盤Tiptronic半自動波箱嘅+/-按鍵，令轉檔倍感方便外，四門隔熱電窗、門邊電鏡、電天窗，重有恒溫冷氣及高級音響，當然唔少得重有4個安全氣袋裝備啦！
1.8Turbo偈加Tiptronic了得
呢款奧迪A31.8T之所以咁受歡迎，皆因佢裝有一台1.8公升直4DOHCTurbo引擎，勝在低轉下有高扭力輸出，令起跑加速倍見衝勁外，一套取材自保時捷嘅5前速Tiptronic半自動波箱，既有全自動嘅操控感，又能予人有駕駛手波車嘅快感，加上四輪跑車化嘅懸掛設計，重有電子ASR防打滑系統連EDL限滑差速裝置，以及四輪碟式制動同ABS跟EBD組合，令高速行車嘅循迹力仍教人信心十足呢！
Sport版辣味十足夠型
原有奧迪A3望落總教人有一份斯文感，欠缺一種跳脫嘅活力；惟今趟代理所引入嘅SportKit，買家不過多花萬二蚊，就可以令原來嘅A3變得霸氣十足，予人有惡形惡相嘅辣車本色之餘，重有一份時代節拍感㖭！
奧迪A3Sport版升級有價