被封性感女神的朱茵，最近拍畢網劇《男女字典》，她早前為女性雜誌《JESSICA》拍攝封面，穿上名牌Chanel大擺甫士。
「性係真愛證明」
朱茵與黃貫中拍拖多年，她在訪問中大談對性及性感的看法，並表示支持「有愛才有性」，她在訪問中說：「兩個人喺埋一齊，連氣氛、感覺都唔啱，又點可能一齊生活。我係個對感情專一嘅人，亦好信任婚姻制度，如果真心鍾意對方嘅話，又點會一開始就要性呢？對於我，性就係真愛嘅證明。」
而對於外間封她為性感女神，朱茵說：「我認為身上穿衣服多與少並唔係性感嘅指標，呢方面香港嘅風氣好落後，我覺得我以往嘅演出並唔性感。」
化死人裝停電
剛拍畢網劇《男女字典》的朱茵，認為在《男》的演出才是真正性感，在劇中她飾演Kelly，是設計性玩具的，愛男人同時又會嘗試與女孩的滋味。朱茵說對這個外冷內熱的角色十分喜歡，她說：「呢套劇嘅題材大談性愛，好大膽，Kelly同我一樣，外表傳統，而內心就燒得旺盛。」
此外，朱茵早前拍攝電影《心寒》海報時，須化死人裝，但在埋位時，攝影燈箱突然斷電，五分鐘後全座大廈亦告停電，當時情況混亂，同片演員李蘢怡更嚇得大叫。