「總之環境唔太差!」
康仔赴台答辯前探戒毒所虛實

蘋果日報 2002/07/29 00:00


蘇永康前晚在紅館舉行演唱會,他表示自己有勇氣面對涉嫌服用和藏有搖頭丸的審訊結果,亦有信心將來可以繼續演出。蘇永康下月六日會到台灣為該案答辯,而其朋友告訴他台灣的戒毒所環境不會太差。
蘇永康上月在台北涉嫌藏有及服食搖頭丸,台灣台北地方法院檢察署已正式發出傳票。康仔前晚在紅館舉行「蘇永康定情歌演唱會PartII」後,在接受訪問時直認已接到傳票,並將於下周二(八月六日)到台灣答辯,他亦做足心理準備接受審訊的結果。而康仔身邊朋友向他透露台灣戒毒所的環境不是太差。

寄語「重新做人」
康仔前晚在紅館舉行的一場演唱會,大受歡迎,他的太太Jane、岳父岳母、鄭中基和吳國敬等都有前往欣賞,而陳慧琳(Kelly)、梁漢文和譚詠麟(阿倫)等則上台做表演嘉賓。梁漢文更送上一曲《重新做人》給康仔,台下觀眾即有感而發叫康仔要重新做人,Kelly則唱了《有福氣》送給康仔。
康仔對於身邊的友人和歌迷的熱烈支持,十分感動。康仔說:「我喺舞台做專業歌手,無論發生乜嘢事,都會緊守崗位。我都有為呢啲負面新聞屈喺屋企,但悟出朋友同家人嘅愛好重要,冇咗呢份愛,我都冇法支撐同企喺台上,令我有勇氣面對將來。儘管結果唔想見,唔想接受,但一個男人做咗事會承擔。無論發生任何事,我都會加倍努力,我同大家承諾會好穩陣咁企番喺度。
「呢件事喺我人生來講係最大一個風浪,身邊朋友都支持,我曾經懷疑觀眾會點,但見到演唱會九成入座率,佢哋冇離棄我,我會用誠意表現證明我係專業歌手。」

太太不陪伴赴台
問到康仔涉嫌服用和藏有搖頭丸一事,他表示已接到傳票要下月六日到台灣應訊,康仔說:「我呢個禮拜接到通知,但見唔到記者,我到時梗係會去台灣,會唔會同安雅上庭就唔知,唔需要啩。我呢次去主要係答辯,我會同律師研究。
「我冇諗過結果,始終有當地法律,我會用所有證據去證明自己,我冇諗過唔返台灣,我會承擔我嘅後果。」康仔可有了解過台灣戒毒所的情況?他說:「有朋友話總之環境唔係太差。太太因為簽證問題唔會同我過去。」
採訪:王連連 攝影:陳志嵐