韓國男神金秀賢事隔1年多重回公仔箱主演嘅KBS新劇《Producer》將會喺今月15日首播，男神最近日日都要為新劇趕拍，忙到頭都暈。

不過，早前搶走勁敵李敏鎬個濟州航空代言嘅佢，亦有做好代言人嘅本份，喺拍劇期間亦不忘抽時間去幫濟州影新硬照。

今日輯相就見街，金秀賢就唔再用佢個招牌齊蔭頭見人，梳起前蔭，着上鮮藍色外套同牛仔褲嘅佢就坐喺啡色行李箱上面擺甫士，仲做出幾個唔同動作，真係令人忍唔住講一句，「好得意呀～」