近排，本地車行有乜新搞作？咪鍾意響珠海賽車場搞吓DrivingTour囉；既可以跟班Fans同車主聯誼一番，又可以乘機Sell吓啲車，分分鐘重可以賣多一、兩部車都唔定㗎！據亞Mark所知，嚟緊林寶堅尼同蓮花跑車代理嘅嘉信汽車，響EddyWong嘅統領下，正計劃響11月2日同3日，連續兩日響珠海搞DrivingTour，志在畀班車主一顯身手嘛！平時香港路面有咁多車速限制，呢類咁Top嘅跑車又點會有機會放肆一番呢！聽聞今趟嘅盛會，代理定有限額10部，若然你最近買咗部林寶堅尼Murcielago，又或者係蓮花Elise111S的話，就真係唔好錯過今次嘅極速測試機會喇！