何超儀昨日到沙田出席聖基道兒童院的「樂樂遙遙助養計劃」，她透露已助養了一男一女小童，昨日還拖着其養子養女公開亮相。
超儀透露助養兒童需費六百元一年，她說：「我好鍾意小朋友，以前以為助養兒童佢哋要搬嚟我屋企住，原來唔係，我得閒會帶禮物去探佢哋㗎。」

搞百萬派對
說到超儀被提名金紫荊最佳女配角獎項，她笑言已要求老闆為她慶祝，可能會搞百萬派對。至於英皇與張佳佳解約，超儀說：「我唔知，我係成熟嘅artist，藝人要檢點行為，不過可能佢放假咋嘛？下次我放假記得留低聯絡電話，費事公司以為我失蹤。」