【歡迎加入】Harbour Runners跑遍香港 半夜追電車跑好High

蘋果日報 2017/10/14 00:00


全新旅遊專頁,即like籽想旅行:https://fb.me/travel.appleseed



跑步,話辛苦,又唔辛苦得晒。不過呢,一個人戴住耳機聽住歌跑,點都有少少悶。所以呢,有個伴,有景望,係唔同feel嘅。
Harbour Runners係由幾個熱愛跑步嘅年輕人喺七年前組成,佢哋跑遍香港唔同角落,朋友帶朋友,唔同背景,唔同年齡嘅人都可以加入,無任歡迎。所以,人數就越來越多,每次跑親都有成70至80人㗎!每個星期三,佢哋都會夜晚七點半喺指定地點集合,熱熱身就開始跑。當然你會問,咁多人帶人嚟join,實有新手啦,點同老手一齊玩呀?咁就不得不讚吓呢班發起人,佢哋個個星期安排好路線,一毫子唔收不特只,仲好照顧新同學!佢哋會分開三組人──快、中、慢組。有經驗嘅成員分別帶頭同守尾門,確保大家跑啱路線同無人留後,為大家加油。
empty
Harbour Runners成員多達數十人,每逢星期三都會一齊跑遍香港唔同角落。
參加Harbour Runners除咗可以有伴之外,仲每個禮拜都有唔同路線跑。例如:鐘樓、西九海濱長廊、紅磡、中環、灣仔、銅鑼灣、北角等等。保證你唔會跑厭。除咗恆常路徑外,佢哋有時仲會搞吓特別event,例如Tram Dash,即係一班跑手凌晨時段喺架電車後面追住跑。有新意呢?

大家試吓逢星期三唔好去Happy Hour,改join呢班咁有passion嘅跑手,一齊做吓運動,你嘅生活態度可能從此不一樣。而平時有去開gym嘅朋友,都可以試吓星期三join佢哋。因為……運動,其實可以有聯繫,仲係免費嘅!

製作:有種運動
empty
Harbour Runners由幾個熱愛跑步嘅年輕人喺七年前組成。