黃大仙地膽一拖五入世紀21

蘋果日報 2002/07/29 00:00


黃大仙區某地膽代理,聽聞就快加盟世紀21,全線五間分行,都會成為加盟商。世紀21一次過搵到咁多代理行加盟,負責人鄒偉霖話,佢入行咁耐都未試過,亦係繼世紀21奇豐物業之後,第二個加盟商擁有咁多分行。既然咁突破,嚟緊嘅簽約儀式,決定大搞一番,細節有待時機成熟先至透露,八月初就會公布。至於間地膽點解會加盟,佢就話暫時唔可以講太多,最多只可以透露,嚟緊有好多嘢搞。
假如呢間地膽代理行加盟後,再開多啲分行,咁就會取代世紀21奇峰物業,成為最多分行嘅加盟商。世紀21奇峰物業要發力,先可以保住「一哥」嘅位。