轆Book:掀背車仔 埋牙鬥抵

蘋果日報 2008/12/19 00:00


歐洲辣椒仔

207GT採用同MINICooperS相同嘅引擎,由於定位在入門快車仔,容積比MINI大但馬力卻被調校慢25匹,只得150匹,低轉扭力強悍,加上車身搭配五前速棍波,操控感更強,更具駕駛自主性!話晒係歐洲車,車身剛性十足,行車入彎指向性高而穩定,加上Peugeot車系特色嘅大天幕天窗,絕對係飆得到、玩得起嘅辣椒仔。代理仲以最新技術幫架車做咗Coating,外觀靚仔到一如新車,而且話晒係經理車,踩極有限,08年登記,仲有27個月保用期限,就比原價平足十萬有多,跑咗幾年嘅二手車又邊有咁筍呀?
08年製造及登記/1,598c.c./150匹/1手經理車/行駛里數約12,864km/5前速棍波/設備:三門掀背、天幕天窗/

查詢:法國汽車(31181828)

齊料好玩四仔

呢個「四仔」,包括係四門同埋車身配備嘅智能四驅功能,SuzukiSX4全寫SportX-overfor4SeasonofWeather,一言蔽之,即係玩樂四驅車仔。外觀搶眼靚仔,內櫳寬敞開揚,設備足,智能系統能因應路面情況而分配前後輪動力比率,行車更安全更穩定,車身配備多,全方位安全氣囊系統、ABS、EBD、Keyless、HID及自動調校投射角度頭燈、行李架沙板包圍等,令駕駛者更能充份享受駕駛樂趣,話晒係08年新款全新車,零手只行咗百零公里,但就比原價平足萬八蚊,有咁多配備但比同級好多四驅玩樂車嚟講算係經濟抵玩喇!
08年製造及登記/1,490c.c./110匹/香港0手(未出牌)/行駛里數約169km/4前速自動波/設備:智能四驅、包圍/

香島汽車(23320091)