關仁隱事:「豬八戒」自動獻身冧老細 - 關仁

蘋果日報 2012/05/09 00:00


選美出身嘅「豬八戒」,做唔到花瓶之餘,連演技同口才都冇樣掂,要喺公仔箱生存就當然要識另類絕技。工作量少到痺嘅豬八戒,除咗得閒黐港男搞緋聞見吓報,佢都好勤力學打golf,原來係為咗冧公仔箱一個廣告大客戶,豬八戒明知個老細鍾意呢種運動,佢咪走去學,希望投其所好,得閒借意約埋個老細去練波,實情係去拉攏關係,要人關照佢,等人哋開啲贊助節目點名預佢一份。關仁聽聞,豬八戒日前仲送外賣去新加坡,美其名係結伴出埠打波,不過有啲嘢其實唔使畫公仔畫出腸。
撰文:關仁