洪天明、阮兆祥、陳彥行及幾位落選港姐劉若莉、黃珮妍及何江詠等，前晚到電視城錄影《吾係獎門人》。
主持人曾志偉被追問與關淑怡的緋聞時，一臉勞氣地說：「嗰個字頭嘅周刊不嬲信唔過，我一年前已經講過佢（楊受成）旗下嘅兩本周刊唔好提我，但呢九個月都有人跟蹤我。早排有周刊話關淑怡撞邪，佢（關淑怡）問我應該點面對，嗰日我順便車佢，大家喺車度傾，點知突然有人衝出嚟影相，我𠵱家同本周刊講，要搞就搞我，唔好搞第三者，呢啲嘢我一笑置之。」

天明被罰揹肥萍
而洪天明玩遊戲落敗後要受罰，志偉竟將譚詠麟（阿倫）的忠心fans肥萍擺上枱。志偉說：「有位觀眾算係半個娛樂圈人，佢跟咗阿倫二十五年，應該都好事近呀。」然後罰洪天明揹起肥萍，場面異常搞笑。
採訪：卓美娟
攝影：何國豪