吳亞馨情傾跑車男

蘋果日報 2012/08/17 00:00


【台北】
台灣女星吳亞馨最近捲入台灣富二代李宗瑞嘅性愛光碟事件,佢已經否認咗,其實亞馨嘅感情生活一向好精采,佢同朱孝天交往一年玩完,上月連續兩個星期都喺台北被影到同唔同男士夜遊。
上月中,吳亞馨由好姊妹許維恩夫妻做媒,識咗高爾夫球場太子爺許浚緯,雖然男方身形似小熊維尼,但揸住架接近五百萬港元嘅新款法拉利跑車接亞馨返屋企,就當堂英偉晒啦!一個星期後,亞馨又被發現有鬍鬚猛男揸住架黑色賓士接佢去買嘢同睇醫生,之後仲一齊去食麻辣火鍋,睇嚟亞馨都係偏好跑車男。
撰文:丁寧