屬馬的任賢齊（小齊）今年犯太歲，雖然小齊說自己並不迷信，但抱着寧可信其有的心態，早前他專程到荃灣圓玄學院拜太歲，祈求工作順利。小齊又透露柯受良經常穿着紅色衣物，但自己不敢穿紅色底褲催運。

今年生肖屬馬的人犯太歲，而日前來港工作的任賢齊（小齊）生肖亦屬馬，所以他特別趁空檔，到荃灣的圓玄學院拜太歲。

寧可信其有
小齊自言並不是一個迷信的人，但寧可信其有，不可信其無，而小齊今次更是首次親自拜太歲，他說：「以前都係工作人員幫我拜，我自己就未拜過。」所以小齊抵達圓玄學院時，都虛心的向人學習如何拜太歲。
小齊首先填妥手中的「太歲衣」，然後在殿外的香爐上香，再進入殿內參拜，小齊首先參拜斗姥太君，其後再參拜今年的太歲及自己所屬的太歲。小齊跟足每個步驟，祈求事業順利，之後便將「太歲衣」焚化掉。

新年陪父母
最近小齊與柯受良（小黑）拍電影《生死速遞》，小齊謂小黑每日都穿上紅色底褲，原來小黑認為今年犯太歲的人穿上紅色的物件在身，便會帶來好運。問小齊有否考慮穿上紅底褲，他笑說：「着紅色底褲好似好奇怪，我一條都冇，唔知着唔着好，俾人睇到就唔係幾好啦！一係叫黑哥（小黑）借畀我着囉。」
新年期間小齊終可以放一放假，問他會否與女友出外旅行，他說：「我唔會去旅行，我會返屋企陪吓爸爸媽媽，因為我好耐冇陪佢哋啦。」
採訪：胡比
攝影：陳烱威