監製劈炮 老細走佬
蔡一智打救半天吊新人

蘋果日報 2008/12/19 00:00


造好兩首歌監製卻「劈炮走佬」,出師不利,令愛唱歌的彭紀諺進退維谷,狼狽地找草蜢的蔡一智求助,他說:「監製兼老闆走咗去唔做,但係當時派晒歌,冇得返轉頭,好倉皇唔知點算,又要趕起年尾出碟,時間倉卒,好感激阿智由谷底拉我上嚟。」
empty
蔡一智謂第一次見到彭紀諺時覺得他純,而且很無助,因此出手幫他一把。
empty
彭紀諺只愛唱歌,對獎項不太在乎,參加頒獎禮也志在參與。圖為他早前出席商台頒獎禮的記招。
積極面對逆境
阿智拔刀相助,與蔡一傑由唱功到穿衣之道指點,阿智又將Desmond大改造,專訪當天又不忙教路,叮囑他要健身,肉緊得有如經理人。阿智說:「佢好純品,最初見佢真係好無助,就好似我剛剛睇完嘅一套法國電影,套戲講個主角有病但冇放棄生命,我覺得似佢嗰刻動彈不得嘅情景,但喺逆境仍然積極面對,所以用呢個概念幫佢做碟。」
empty
彭紀諺非常感激蔡一智從谷底中拉他出來。
揀歌反行其道
唱片工業低迷,阿智唱反調不用K歌打造新人,推出細碟《潛水鐘與蝴蝶》評價高,派台歌《給嫲嫲》、《升空中的潛水鐘》更曾在歌曲榜曾佔據甚高的位置,但Desmond對獎項不太着急,他說:「我冇諗過,我淨係諗住埋頭苦幹唱好歌,有得錄歌出碟都夠滿足感喇。」
採訪:王連連 攝影:陳俊強
場地提供:Domani
髮型:MatthewNg@HairCorner(彭)、11FINGER(蔡)
化妝:ChrisLam(彭)、11FINGER(蔡)