【本報訊】樓價急反彈，買樓初哥也開始心慌，不惜高追入市。一名80後上車客睇樓一年，遇上葵涌區心儀單位，睇樓當日無帶本票，擔心被截糊，將身上500元給予業主作為臨時「細定」，即場簽約，同日再加定金近15萬元。

買家追價購粉嶺中心

中原許偉業說，葵涌中心一個實用面積353方呎中層G室單位，去年11月以538萬元放盤，但今年1月封盤，至本月22日重開，即日被一名80後上車初哥看中，由於睇樓已有一年，得悉業主會再安排多台準買家睇樓，恐防業主反口及其他客人搶貨，當時身上沒有本票，不敢走開，身上只有500元，但獲業主接納作為「細定」，雙方簽訂臨時買賣合約，成交價498萬元，買家兩小時後再補支票共14.95萬元。許稱，過往「細定」見過低至20元或100元。

粉嶺錄串燒成交，一名換樓客日前放售粉嶺中心H座高層H室兩房單位，即日三枱客還價，第一枱客出價510萬元，第二枱出價520萬元已到業主底價，第三枱客及後追價5萬元，以525萬元買入單位。該換樓客沽貨後，同日以570萬元購入粉嶺名都1座中層D室三房戶。