當年今日

女排大獎賽總決賽花絮

蘋果日報 2002/08/02 00:00


舞龍舞獅助興無冷場
「超班馬」俄羅斯隊不消一個小時就將德國打得落花流水,好彩賽會早有安排,一早邀請咗舞龍舞獅喺空檔表演(否則喺第二場比賽開賽前嗰個幾鐘流流長,球迷都唔知做乜好),總算值回票價。

大會搞氣氛一流
噚日嘅入場人數約有七成,大會為咗搞好氣氛,搵咗二百幾個後生仔女,穿着不同隊衣為各參賽隊伍打氣助陣,看上去熱鬧之餘,各球員亦比平時比賽特別出力吧!

精品攤檔好生意
每逢有女排大獎賽,精品攤檔就一定少不了,今年亦唔例外。例如中國旗仔(5蚊)、排球波仔(20蚊)、毛巾(15蚊)、電話繩(20蚊)等等,應有盡有,全部印住大獎賽嘅嘜頭。據看檔嘅人講,排球波仔就最受歡迎。講真,鍾意排球嘅人一定唔介意花少少錢買啲紀念品番屋企嘅。