當年今日

討論區精華:賤男扮醉抽水 OL無辜被咀

蘋果日報 2006/10/13 00:00


遇到性侵犯怎做?你要馬上說:「唔好!」小學生也琅琅上口的防備鹹豬手秘訣,kikilili卻忘記了。她本周日去飲宴,散席後其他同事建議直落到卡拉OK繼續狂歡,入到K房大家一邊唱歌一邊喝酒,怎知有個男同事竟借醉行兇,「喺唱K嘅時候,唔知我個男同事係飲多咗,定係只係玩吓,但我見佢一啲都冇醉意,當我同個女同事猜枚嘅時候,個男同事又走埋嚟玩埋一份,無論個男同事輸定贏,佢都趁機攬住同強吻我或者另一個女同事。」
kikilili指該男同事趁機「抽水」,「仲㩒住我嚟唧,無論我點反抗佢都唔理,唉,𠵱家諗返轉頭真係好唔開心同唔知點面對,覺得自己好似俾人『強姦』咁,唔知點算!」網友對她忍氣吞聲大感奇怪,她解釋當時無嚴斥對方是「費事第日見到面左左啦。」「如果即時反面的話我又唔想做到咁絕,始終都係同事一場,我以後會小心佢㗎嘞。」
快樂放牧人向其他女仔教路,稱若遇到這些情況,應「黑面」行開十分鐘,若賤男繼續「抽水」,即「擺明係借酒行兇,可能成班仔夾好晒一齊抽水」,女仔應即時離開否則繼續「蝕底」。
empty