當年今日

每日一趣:點解中車彈不起 - 黃尹華

蘋果日報 2015/07/24 05:20

每日一趣每日一趣港鐵增持列車國產車黃尹華中車

港鐵(066)一口氣向中車(1766)買入93輛新列車,係港鐵有史以來最大車輛定單,國產車揚威國際!不過,咁大喜訊,中車股價昨日竟然彈唔起,A股只升得1.6%,仲跑輸滬綜指2.4%升幅,唔少內地股民勁鬧。有人話,為何啲中車高層至今仲唔見有增持,要向中央、股民做出交代!
中央啟動暴力救市以來,要求A股高層增持股份,至今已有唔少公司發佈增持公告。惟獨身為改革龍頭股的中車,一直未見高層增持。
去年南車、北車合併成為中車前,當時南北車高層,在停牌前偷步買入對家股份,擺明內幕交易,曾令股壇譁然。中車A股股價之後翻咗4倍都唔止,啲高層賺到笑,到而家攞少少錢出來,象徵式增持都唔肯,難怪股價撐極都唔起。

黃尹華