新登場：
開揚天台歎地道葡萄牙菜
深究葡萄牙菜，其實就好似食國際菜一樣，在經過五百多年統治多個國家後，其飲食文化已包含了各地菜餚的精粹，得個講字唔夠嘅，最好都係入西貢親口感受一下，因為嗰度啱啱開咗一間葡萄牙餐廳，舖頭由老闆到材料統統來自葡萄牙，你重可以喺餐廳天台上，海景旁邊享受一餐無豬扒飽嘅地道葡萄牙菜！
記者：黃婉冰
攝影：陳智良
經理推介：葡國海鮮飯$138
用葡式傳統番茄上湯MesaPimento，加入大蝦、蜆、蟹同米一鑊過煮到入晒味，賣相有如湯飯一樣，無論做法同材料，都有着西班牙海鮮飯的影子。
紅腰豆葡腸燜豬手$92
葡國人喜歡用不同部分的豬肉炮製不同菜式。這款以豬肉腸、血腸、豬手為主要材料，加入紅腰豆、洋葱、番茄燴到腍滑入味，一鍋三味，送酒送飯都啱。
火燄葡國腸$42
香腸可以話係葡萄牙人的主要糧食之一，其款式多不勝數，這款ChouricoSausage就較為出名。原條放在扒爐上燒過後，淋上拔蘭地酒，點火將外皮燒得更香脆，大廚話熱辣食，皮最香脆。
記者推介：香飯布甸$35
葡萄牙人連甜品都一樣有飯氣，用蛋黃、檸檬皮、牛奶做汁，將生米煮成熟飯，布甸特點在於個汁濃稠得來軟滑，係葡國最經典的甜品之一。
馬介休球茄汁青椒$118
馬介休照傳統做法特別處理過，減去部分鹹味，再加入青椒、洋葱、蒜茸、番茄、白酒一齊燴，做法與味道都咁傳統。
葡國椰菜湯$35
絕無牛油、忌廉成分的椰菜湯，由薯仔、洋葱、蒜茸打爛熬製而成，加入葡萄牙椰菜絲，大廚話深綠色的葡國椰菜，口感同味道與中式白菜好相似。
店名：POUSADAvillaportuguese
電話：23355515
地址：西貢白沙灣112號（海霸海景海鮮酒家斜對面）
營業時間：星期一至五中午12時至下午3時晚上6時半至11時半，星期六、日上午12時至晚上11時半