成奎安抗癌中氣十足

蘋果日報 2005/05/20 00:00


成奎安前晚到港台接受《你真超人》節目訪問,大談他去年九月發現患上鼻咽癌及康復經過,他表示為期六星期的化療及三十七次的電療令他十分難捱。成奎安直言想過放棄,他說:「我接受咗電療第五個禮拜時諗過放棄,因為藥物嘅反應,成個人坐又唔係,瞓又唔係,總之見到每樣嘢都唔順,好辛苦。」
損聽覺嗅覺
成奎安在訪問時雖然中氣十足,似乎已經完全康復,但其實後遺症不少,他說:「我右耳失聰,𠵱家只聽到一成,眼同口都冇分泌,所以我瞓得唔好,瞓三個鐘就會醒,𠵱家亦都冇嗅覺,食乜都一種味,牙會好軟,𠵱家盡量唔食硬嘢。」