當年今日

纖體真實個案 翁為德冇花假
李蘢怡03瘦身之星最索

蘋果日報 2003/12/28 00:00


所有女士天性都愛美麗,即使不是天生樣靚身材正,也會靠後天盡力,令自己變得更吸引更完美,所以纖體和美容中心開得成行成巿,為了突出廣告成效,近年各公司紛紛找來藝人、歌手和模特兒出任代言人。在花多眼亂及魚目混珠的情況下,今年以李蘢怡、容祖兒和名模翁為德三人的纖體個案成績最真實及突出,且聽她們與大家分享瘦身心得。
飲水排毒戒食牛肉
李蘢怡:今年收身成功好開心,我下身係好容易水腫嘅,所以我建議女士們可以多啲飲水排毒,咁樣對身體都好好。我keepfit期間都好注意飲食,盡量多菜少肉,肉類方面主要食雞肉同魚肉,因為食牛肉對皮膚唔好。我好鍾意食蔬菜,尤其係西芹、茼蒿同西蘭花。

唔食肉餐餐七成飽
容祖兒:我今年最開心嘅就係纖體成功,自信心即刻返晒嚟,個人都健康晒。其實平時我都好注重飲食配合,我已經戒咗食肉成年,𠵱家只係食齋,都好多選擇。我畀大家嘅飲食貼士係每餐千祈咪食到好飽,最理想係七成飽,留番啲空間畀個胃慢慢消化。因為瘦咗,以後我都會着多啲性感衫上台騷吓身材。

湊孖仔勤運動必Fit
翁為德:今年生完一對孖仔之後,有纖體公司贊助收身,對於平時冇時間做運動嘅我嚟講,都有一定幫助。療程之外,我都會聽營養師講,進食清淡嘅食物,不過我諗最大消耗體力嘅活動係湊對孖仔,收身後最開心係返去美國時,見到奇洛李維斯同嘉莉安摩絲,佢哋都讚我好弗。
empty
《索女之星第二位》
容祖兒
34、24、34
empty
《索女之星第三位》
翁為德
34、25、35