在車上簡單的加上一個英文字，例如S或R，即時可以將一部普通的汽車，標誌成充滿個性、辣味的小跑。同樣，在外表平易近人的寶馬535iA身上，不單止找到代表住賽車血脈的GT兩字，最近還追加多個M，真係更加有戰意。

記者：蕭漢祥
攝影：周旭文
Model：[email protected]

5系融入M改特色

寶馬車廠的M，大家都知道其實是代表MSportpackage，是BMW專屬改裝設備系列，最熟悉的代表作相信是大家夢寐以求的M3跑車。不過，總有好多成熟型男士覺得自己年紀已經唔係仔，縱使非常喜愛MPackage的粉飾，但工作及家庭需要下，部車更要識得形象百變。正因為咁，屬於行政人員級的535iAGTExecutive最近再一次輕量的進化。廠方換走簡約的軚盤，換上手感更充實、物料更好的MPackage多功能環軚，軚盤中心有一個三色M字以資識別，那種虛榮感其實只有這一點便夠。

加裝電動窗簾

其次，進化的還有廠方的體貼之心。其實近年來不少車主反映，雖然法例上已經對車窗的透光度放寬了一點點，不過到驗車時往往就算合格都過唔到關！廠方明白大家都係為了減少陽光直射，降低車廂溫度。為了省卻車主麻煩，全新5系GT會在後座兩邊車窗加裝電動防曬窗簾，車廂內要多少陽光完全由你話事，靈活性比深色車窗更高。
另外，近來已經不止一次提及寶馬將不少以前屬Option的部份改為新車的基本規格，例如現時全線車系已經加裝前座電動椅。而今次優惠第二波，就係將後波鏡頭安裝到5系GT之上，令這部車更趨完美。

二段式尾廂擴空間

除了外形，實力都好緊要。535iA另一大賣點是它的龐大空間，不只五座位坐得舒服，將後排座椅收摺後，載物空間即擴充至1,700公升之多，再配合尾廂門可作二段式開合，即首段在尾車窗以下打開，第二段則連同車窗線以上部份一併打開，就如揭背車一樣。此外，憑其3公升TwinPowerTurbo引擎，發揮出306匹最大馬力及400Nm最大扭力，載重完全不成問題，還有SportMode作為後盾，啟動後加強懸掛系統的穩定性。部車可剛柔並重，百變成咁夫復何求！

講真，齋睇報道當然未夠全神，點似得自己親身摸吓部車咁過癮，寶馬喺今個周末於尖沙嘴舉行車展，屆時不單止有5系GT，連好啱年青人的116iAHatchbackUltimateEdition都有展出，一家人去就真係有排揀。

日期：今、明兩天
時間：10:30am-7:30pm
地點：尖沙嘴海運大廈展覽大堂

BMW535iATurismoExecutive

引擎：2,979cc直六TwinPowerTurbo
馬力：306hp/5,800rpm
扭力：400Nm/1,200-5,000rpm
傳動：Steptronic八前速自動波
售價：$725,000
查詢：31299000