王冬勝為渣打做企街 - 李八方

蘋果日報 2002/01/07 00:00


渣打今年嘅馬拉松定咗下個月二十四號舉行,一樣係由尖沙嘴起步,經彌敦道、西九龍公路、青馬大橋,再由汀九橋折回,穿西隧,到灣仔金紫荊廣場為終點。渣打已準備龐大宣傳攻勢,推廣呢個體育活動,其中一招,就係搵總裁王冬勝「企街」派衫。
八方聽聞,剛剛升職做集團行政總裁嘅戴維思亦會來港參賽,最近個聖誕節,佢亦在香港過,不過冇公開露面。
呢個傳媒開心果係跑得之人,往年馬拉松佢都有參加,肯定比王冬勝「長氣」。
聽講現時已有九千人報名,如果想跑吓青馬橋,要快啲報名,費用三百大元,查詢可電25770800。
﹙圖﹚王冬勝(左)在中環派衫,中為首位接受挑戰者,亦即香港八百米紀錄保持者梁達威,右為香港業餘田總主席高威林。


E-mail:[email protected]