對於蘇永康和安雅涉嫌藏有搖頭丸而被帶返派出所調查，一班圈中人都表示十分關注。

謝天華 ：佢哋兩個我都好熟，可能佢哋俾人陷害，或者一時貪玩都唔定。其實飲嘢同玩都好正常，藝人有時壓力太大要減壓，曾經有人叫我試，但我怕好多副作用，就算好朋友介紹都唔敢試。

鄧兆尊 ：我同康仔比較熟，我諗佢應該唔會，康仔都唔去raveparty唔食搖頭丸，出去做嘢有時會放鬆吓，冇乜問題啫。之前喺內地有人叫我試，我唔敢得罪人，咪惟有扮試囉。

薛家燕 ：有時藝人做嘢要比普通人更守規矩，因為藝人係市民心目中偶像，希望今次係一場誤會，如果唔係都幾麻煩。我自己都有灌輸啲知識畀仔女，問佢哋去街會同乜嘢人一齊。

吳志雄 ：我曾經去夜店玩，都見過有某啲藝人食呢啲嘢。我唔信康仔有食，可能啲報道有問題。