好耐之前參加《求愛大作戰》嘅Whitney，之前同男友、即Mia(陳靜儀)前夫莊家傑結婚，今日就喺facebook宣布離婚。而喺Whitney同莊家傑結婚之後，不時同Mia隔空罵戰，Mia當時仲喺網上話：「一個男人可以沒車，沒房，甚麼都沒有，但唯獨是不可以沒有責任感，一個連責任感都沒有的男人，根本不配做一個男人。」直指莊家傑唔配做男人。至於點睇Whitney同莊家傑兩個，Mia當時就用七個字去形容，就係「姣婆遇著脂粉客」。

當時莊家傑仲貼咗Mia舊照，指佢整容同偷食，有時仲有會同埋Whitney一齊寸爆Mia，不過Mia就得到前奶奶，即係莊家傑媽媽寫信力撐，話佢係一個好老婆、好媽媽。Mia嗰時仲話：「家人即使沒有血緣關係也可以是家人，這幾天難為了家人，真的很內疚，媽媽、奶奶擔心我的心情問題而哭，我真的覺得自己很不孝。」今次Whitney同莊家傑離婚之後，唔知會唔會同Mia當時咁，又有好多隔空罵戰呢？