求驗客手記:朗尼曼巿敍舊冇布朗份

蘋果日報 2019/01/04 00:00

曼聯足球朗尼布朗曼徹斯特

前曼聯隊長朗尼周三返曼徹斯特,約埋一班昔日隊友好似吉遜、費查、阿歷士布魯士、同埋曼城出身嘅阿士東維拉中場格連韋倫,一同攜眷喺曼市嘅著名中菜館天外天食飯。呢班喺千禧年頭由細識到大嘅老友聚頭,不過獨缺被朗尼老婆高蓮指帶壞老公嘅「壞人」布朗。話說朗尼去年喺高蓮旅遊期間,因醉駕被判罰社會服務令,當時車上仲有一名女子而爆出偷食疑雲,當時有指高蓮唔離婚嘅條件,就係要朗尼疏遠損友布朗。