小小超今日交功課 - 李八方

蘋果日報 2002/03/20 00:00


小小超李澤楷一年一度交功課日子又到,自從收購香港電訊,佢都好努力咁希望搞番好間公司,經過年多的努力,相信佢今日公布的業績,應該可以轉虧為盈,市場更有人揣測佢會派息。不過,以現時公司狀況,仍有大把債未還,加上未來發展需投入大量資金,派息可能引起專業投資者不滿,但公司小股東又唔少,唔派息又會得失佢哋。
究竟點辦,澤楷今日就會話你知。電盈今日下晝四點三會喺公司總部開記者會,為應付本地及海外傳媒,已安排好一百二十個座位,座位後邊重有個Stage方便電視台攝錄。一個鐘頭後,就會同分析員開會,據講為咗方便海外投資者,會議安排好會即時透過公司網頁網上直播。大家想睇,登上www.pcg-group.com 就得。
(圖)小小超自收購香港電訊後,經過年多努力,今日公布的業績應該可以轉虧為盈。


E-mail:[email protected]