雪肌蘭老闆陳細潔與應屆港姐冠軍林敏俐昨日在灣仔，拍攝無綫講述健康飲食的新節目。林敏俐身穿贊助服裝，與陳細潔一身名牌配百萬首飾有天淵之別。

雪肌蘭老闆陳細潔（Abbie）與應屆港姐冠軍林敏俐昨日在灣仔金紫荊廣場，拍攝無綫健康節目《飲食有素》最後一集。任客席嘉賓主持的Abbie駕駛保時捷跑車到場，身穿RobertoCavalli恤衫，配戴卡地亞頸飾、VanCleef&Arpels戒指和Chopard手表等，私伙行頭超過一百萬元。

月底拍廣告
昨午烈日當空，Abbie不用埋位時，有助手為她擔遮擋太陽，氣派比大明星有過之而不及。而身為主持的林敏俐穿上贊助商BCBG的吊帶裙亮相，沒有助手協助，出出入入都是一個人，待遇與Abbie相比，可謂差天共地。
市道淡靜，早前本報拍得應屆港姐拉隊與無綫監製吃飯𢱑撈，當天都有出席飯局的林敏俐昨日開心地透露，獲Abbie邀請拍雪肌蘭廣告，她賣口乖說：「我第一次拍廣告，月尾會開工，酬勞都未知有幾多，不過真係好開心。其實Abbie好好人，佢教曉我點樣分辨靚紅酒，我就教番佢讀稿念對白。」

NG十多次
林敏俐又透露前晚錄影《飲》節目時，她在Abbie家中下廚煲鯊魚骨湯。
陳細潔則揚言差點被冗長的對白難倒，她說：「以前試過做主持，不過今次要講好多對白，好緊張。第一集試過NG十幾次，即刻感受到喺娛樂圈度做嘢好辛苦，不過都好有挑戰性。」她又透露近日被邀客串拍電影，但她已婉拒對方。
對於拍檔林敏俐行頭欠奉，問Abbie可會借首飾予對方？她說：「我冇諗過喎，事前都唔知，冇理由問人要唔要首飾戴㗎，好尷尬啫。」她揚言欣賞林敏俐貪玩、開朗的性格，兩人又不時交換扮靚心得。
採訪、攝影：JessicaNgan