當年今日

女有女講之十二:我無做Facial都咁白淨!

蘋果日報 2006/10/13 00:00


每星期敷4晚美白Mask,剩低兩晚做美白Facial,枕邊人都無覺得你白淨咗?唉,算罷喇,你無「MoBar」侍應Esther咁天生麗質,敷乜敷物盞嘥氣喇,佢笑住話:「客人成日都讚我皮膚白,問我係咪成日做Facial。」咁你有無做Facial?「無㗎,淨係有次試過公司Spa提供嘅療程,幾舒服咁囉。我皮膚一向都咁白,有同事話我白到似北方人,其實我想自己黑啲,太白好似病人。」嘩,咁講好風涼啫,講真佢皮膚絕對唔係病壞嗰種蒼白,係白裏透紅,係咪化咗妝先?「返工唔一定要化妝,最緊要整齊啫,不過公司有個好細心嘅安排,每日都有專業髮型師幫我哋Set頭,所以每個同事嘅髮型都好Trendy,做嘢精神啲,客人見到都開心啲啦。」俾客讚得多嘞,男同事又有無讚你先?「男同事好有風度,有時早餐要拎好重嘅熱爐,男同事都會自動自覺幫手,不過我估又唔係因為我靚先幫手嘅,呢啲係男士應有風度嚟㗎嘛。」男士應份有風度?未必喇,你唔靚唔白,鬼畀風度你咩?
記者:黃若茵
攝影:周旭文
RawYellowFinTuna
越式小食,用米紙包住牛油果、甘笋、生吞拿魚、大葱一嘢質入口,爽到嗦嗦聲,點埋個酸味開胃醬汁,好清新。
empty
LMFish&Chips
LM即Lime,脆漿帶強烈日本天婦羅味道,記得唧啲青檸汁食,咬落無咁油膩唔會成口粉。
empty
(左)MoTox (右)RedChamer
混合薑汁、菠蘿汁、蘋果汁加鮮薄荷葉就係MoTox,味道好Fresh;RedChamer酒味較濃,因為成份有荔枝酒、香檳同烈酒。
empty
食客評分(5分滿分)
Arthur:「淨係服務態度已經攞滿分啦,何況有甜美笑容。」
empty
Sasche:「Esther做嘢好勤快,我有讚無彈,畀滿分。」
empty
MoBar(21320077)
地址:中環皇后大道中15號置地文華東方酒店地下