自從中國加入WTO之後，內地嘅車市早已成一眾車廠嘅銷售目標，惟車廠想可以深入民心，自然少不免要花一點工夫。之不過，看來日本富士車廠卻洞察先機，有多年越野車賽經驗嘅香港車手陳自華，近年屢創佳績，唔止替港人爭光，響國內重有一定知名度，因而吸引到富士車廠嘅垂青，最近重招攬為旗下車手，早前廠方重特意運來全新ImprezaWRXtypeRASpecC嘅賽車，作為陳自華新一屆國內拉力賽嘅座駕㖭！要當事人多年駕駛三菱LancerEvo.賽車，而改投富士ImprezaWRX嘅懷抱實非易事，亦可見得呢部新款戰車嘅可觀性，及有難以抗拒嘅潛藏耐力呢！