霍震霆（左）噚日同細佬霍震宇孖咇去大會堂欣賞畫展，講到話出年北京舉行奧運會，全球盛事，問霍震霆係咪打算全家總動員飛去當地捧場？佢話：「冇考慮過佢哋（指家人）噃，係都係先滿足社會需要先啦，我盡量爭取緊㗎喇。」母親節就快到，問佢到時會唔會同前妻朱玲玲及囝囝一齊共度佳節？霍震霆就話：「要睇吓個期得唔得先。」