琦琦今日為自家珠寶品牌成立一周年，在銅鑼灣舉行派對，眾靚媽模特兒好姊妹馬詩慧、周汶錡、熊黛林（Lynn）、歐陽妙芝與汪詩詩等前來撐場。琦琦自言為派對緊張失眠，老公任達華要趕戲較晚時間才到，她說：「呢幾日佢同導演講遷就時間，所以每日朝早5點出去，夜晚成1點先返，係好老公。」提到獲眾好姊妹齊人撐場，琦琦笑言對百分之百出席率十分感動：「我同老公講感動到流眼淚，係個好warm聖誕，對於我一個初出道嘅設計師，係好有鼓勵。」

Lynn暫時放下七個月大孖女現身祝賀，她不時都在社交平台分享囡囡趣事，她指孖女近日已學識bye bye，令她每逢出門口都有依依不捨感覺，近日更出現遲到情況，她說：「盡量將工作安排喺孖女午睡時間，令自己盡量陪佢哋，例如之後返內地工作，會早機去晚返，到o依家只離開咗佢哋兩日。」問到將來拍戲拍劇怎樣處理，她說：「都有傾緊，以前最耐出去拍三、四個月，o依就唔可以，老公冇反對我工作，只擔心佢又工作又照顧孖女會辛苦，但自己唔希望錯過佢哋成長任何時刻。」

再問有廣告商找孖女拍廣告，Lynn說：「經理人提議過我同佢哋影硬照，不過佢哋仲細未控制到。我唔抗拒佢哋拍廣告，都想佢哋了解媽咪工作環境，知道媽咪工作辛苦。」

更多娛聞，喺晒《娛果》
http://fb.com/appledailyent