《蝙蝠俠：黑夜之神》系列，導演基斯杜化路倫（ChristopherNolan）將英雄電影重新定位；《一代宗師》，導演王家衛就將武打片變成文戲，更大玩葉問嘅心路歷程...喂，兩套戲好似冇乜嘢關係喎！

網民就唔係咁睇，尤其係高登討論區嘅巴打絲打，有人開咗個新post：「如果王家衛拍蝙蝠俠會點拍？？？」網民即留言當年王家衛經典電影《東邪西毒》嘅對白，不過梗係有二次創作： 「很多年之後，我有個綽號叫做蝙蝠俠，任何人都可以變得黑暗，只要你嘗試過什麼叫恐懼。」 嘩，好有共鳴喎！咁更加係唔少得二次埋《一代宗師》嘅對白啦：「人活一世，有人成了 英雄 ，有人成了 罪犯 ，都是時勢使然...」

之後更有網民二次創作埋「幻想中」嘅電影海報，型到爆，巴打絲打齊齊讚係 「高質post」 ！

不過話時話，如果王家衛真係拍蝙蝠俠，真係驚佢拍到2046年都未有得睇...


逢周五隨《蘋果日報》附送嘅時尚美容雜誌《add》第二期將出版；拎唔到書嘅朋友，可以上番《add》嘅官網 http://hk.add.nextmedia.com/睇番足本網上版，除咗有陳慧琳訪問，仲有好多時裝靚嘢睇！