徐小鳳於三十多年前原來是公子哥兒的追求對象，據小鳳姐入行初效力的文志唱片老闆姚先生透露，曾有越南富商送名車給小鳳姐示愛。姚先生又謂當年的新華社社長許家屯很賞識小鳳姐，希望她可出任人大，但因小鳳姐對政治沒興趣而婉拒。

徐小鳳初入行時效力的文志唱片，近日將小鳳姐於六、七十年代推出的黑膠唱片，重新印製成一套十碟的CDBoxset推出，名為《十全十美徐小鳳》，每隻碟的封套均依足小鳳姐當年的黑膠唱片包裝，除收錄《柔道龍虎榜》和《郊道》等金曲外，更附上小鳳姐三十多年前在倫敦拍攝、從未曝過光的寫真。

富商送名車追求

照片中年僅二十多歲的小鳳姐，在廣場內愉快地餵白鴿，笑得天真爛漫，充滿少女氣息，難怪不少公子哥兒拜倒其石榴裙下。
文志唱片老闆姚瑞豐日前接受訪問時說：「當年小鳳追求者好多，記得七幾年嗰陣，有位又開酒店又做名車代理嘅越南富商，專登飛嚟香港，希望小鳳接受佢嘅愛，話只要小鳳開聲，要乜嘢車都可以即刻送畀佢，但當年小鳳事業心重，拒絕咗對方。又有一次，小鳳去越南登台，請佢唱歌嗰位老闆嘅太太，以為自己老公想追小鳳，所以將小鳳所有唱片掟爛晒，後嚟呢位太太知道係一場誤會，於是就向小鳳道歉賠罪。」
除了追求者眾外，姚生還透露新華社前社長許家屯，原來對小鳳姐十分欣賞，他說：「汪明荃做人大嗰年，許家屯搵我話好希望小鳳做人大，但小鳳對政治冇興趣，最後先至搵汪明荃囉。」

潑酒唔怕得罪人

姚生又讚小鳳姐重情義，他說：「當年有個有頭有面嘅商人想搵小鳳過檔，於是約小鳳見面，話簽畀佢發展一定更好，點知小鳳將杯酒潑過去，話『你𠵱家詆毀我老細！」搞到對方好嬲，重想搵人教訓小鳳，好在最後都冇咁做。」
採訪：戴彩煥