𠵱家係like、share年代，不過個人資料私隱專員公署嚟緊會搞個「私隱關我事」運動，提醒網民要留意放上網嘅嘢係會俾人分享出去，倡議網民守則，就係share人哋嘅嘢出去前，先問准當事人先。Well，呢個做法係可以保護私隱，之但係會唔會唔合時勢呢？
公署搵咗幾位網民關注人物宣傳，包括TVB前新聞主播柳俊江同郭詠嘉。一向鍾意抽政治水嘅柳俊江話，拍片前有問清楚公署會喺邊度用，同埋會唔會畀「紅色嘅人」睇，所以呼籲網民share人哋嘢之前，都要問准對方先。離開TVB三年嘅郭詠嘉，轉行做插畫師，今次幫個呢個運動畫咗啲插畫，宣傳網上私隱。佢2009年喺維園做7.1遊行直播時，有人鬧無綫新聞事事旦旦，又向佢作出不文手勢，令佢感到受辱而兩度落淚。