今晚將會上演C組重頭戲，哥倫比亞大戰科特迪瓦。兩支球隊於首輪賽事分別擊敗希臘同日本，演出有驚喜之餘球員亦態勇。講到撐邊一隊，我就比較鍾意踢法進取嘅哥倫比亞，仲要有粒好閃嘅星星在陣，特別惹人好感。

呢粒星就係中場發電機、10號嘅占士洛迪古斯（圖），年輕俊朗，樣貌標緻可愛，絕對符合女球迷對偶像球星嘅所有要求。洛迪古斯上場表現論搶鏡程度，必定係全場之冠，炮製咗6次射門仲有1球進賬，仲喺前1/3場交出23次成功傳送，可謂球隊進攻嘅重心，助攻助守，跑足全場，非常有球味。睇嚟世界盃嘅舞台可以為洛迪古斯帶嚟發光嘅機會，相信法甲摩納哥喺世盃後要諗諗計留住呢粒星星啦！

大家成日都聽到「通坑渠」，當然球場又點會有坑渠要通呢？其實意思係講球員盤球時嗰陣，將個波穿過防守者嘅兩隻腳之間。「通坑渠」需要有幼細嘅技術先做到，相信呢樣絕對難唔到洛迪古斯。

陳婉婷
太陽飛馬助教

識睇　一定睇蘋果嘅足動世盃：
http://worldcup2014.appledaily.com/