當年今日

  彤叔被阿松喜訊嚇窒 - 李八方

蘋果日報 2002/08/02 08:00


「彤叔」鄭裕彤噚日喺保鑣陪同下現身中環,旁邊重有一名男士。彤叔一見大批記者,即刻笑笑口話:「我今日唔係同女仔食飯,係同男朋友食飯呀。」
問彤叔對波友梁錦松同跳水皇后伏明霞閃電結婚點睇?彤叔話:「我睇報紙都嚇咗一跳,不過婚遲早都要結嘅。佢哋今次結婚,對財爺嘅聲望一定有幫助㖭。」
至於有人話兩人年齡相差二十幾年,似有政治婚姻之嫌,彤叔就話:「年齡唔係問題,兩情相悅係唔關政治嘅。話時話,我都冇同財爺打波好耐啦,佢幾好波㗎。」
阿松呢排既要面對「細價股除牌」風波,又剛剛與小伏新婚之喜,心情睇怕好似五味架咁複雜。昨日八方見有記者問佢:「梁太點樣安慰你呀?」阿松先是打一個突,然後苦笑不語。
(圖)鄭裕彤昨與一名男子去吃飯。


傳真︰2623-9278
電郵︰[email protected]