有鐵蝴蝶之稱嘅任關佩英今日下晝兩點喺港台開咪，同周融、陳南祿天南地北地真心直說。不過，任關始終改唔到佢做乜嘢事都好投入嘅性格，已經日日諗緊兩小時節目點樣可以搞得動聽啲。
其實只要知道佢阿姐有咁高模仿力，扮邊個似邊個，扮董太更似，港台已經唔使擔心。佢噚日講番當年考AO，過三關後見到黃錢其濂嘅情景，就十足講緊廣播劇一樣精采，佢去到一見到神高神大，紮住隻髻，着住件旗袍，咬住支長煙嘅主考官時，任關就驚得要死，佢重記得黃太問佢喺邊度嚟，矮黃太一截嘅任關話自己讀緊港大三年級，跟住黃太就扮晒嘢話，"Good,verygood"，此役令佢嘅弱小心靈都受傷害，但係結果都被取錄，一做就做咗三十年公僕。
人生唔係好多個十年，任關話佢無悔離開政府，亦都大讚香港人無得頂，至於香港最近發生嘅連串事件，有啲佢話留番開咪先講。
（圖）任關佩英今日下晝兩點就會喺港台開咪。


傳真︰2623-9278
電郵︰[email protected]