快餐店麥當勞舉行「點cin點jack拼拼卡」有獎遊戲，集齊拼圖便可贏得免費食一年麥樂雞大獎，有幸運兒完成拼圖，卻不「獨食」，反把拼拼卡在網上拍賣，有人願意付出1,600元換取這獎品，但不少人卻說每日吃一盒麥樂雞難頂。

據有獎遊戲規則，集齊拼拼卡者可到麥當勞換取365張禮券，每日可免費換取一盒六件裝麥樂雞，ycp日前中獎，不過他沒有即時到麥當勞換取禮券，而是把完成的拼拼卡在網上拍賣，底價900元，拍賣一星期已叫價至1,600元。以一盒六件裝麥樂雞售12.1元計，買365盒要4,400多元，用1,600元買365張禮券換領，可節省約2,800多元。
花千多元每日吃一盒麥樂雞，有麥記fans稱「好抵食」，不過Belive卻說唔使預佢，「我有一千蚊，都唔會日日食麥樂雞啦。」麥麥多更說送都唔要，「一年後唔死都肥到變豬扒。」Husky直指拍賣價太高，「使咩咁貴！自己喺凍肉舖買返屋企炸，平成四分三，自己買來整仲化算啦。」