特稿
「冇可能唔知架車撞到嘢」

蘋果日報 2009/03/08 06:00


屯門公路亂車撞斃醉酒青年的罕見意外,警方目前仍在調查死者於屯門公路徒步行走的原因,以及有多少車輛將其輾過後遇事不顧而去。港九新界的士司機總會主席李志祥說:「一個有經驗嘅司機冇可能唔知道自己架車撞到嘢,但係好多人都會喺嗰一刻『發咗茅』(不知所措),選擇逃走,其實遇事不顧離去係犯法。」
究竟在高速公路上遇事應該如何處理?香港汽車工業學會會長李耀培說:「一個有責任嘅司機,喺高速公路撞到任何嘢,都應該打死火燈停車。」他說,即使無撞到人,都應檢查車輛是否損毀,是否不適宜繼續行車。
同時,車輛在高速公路發生意外或緊急故障,司機除了要打死火燈及報警外,而且要與車上的乘客一起下車,並緊記勿站在車頭及車旁,應在安全情況下前往路肩或站在石壆上等候救援。假若一定要在公路上徒步行走,應盡量選擇在行車線的相反方向步行,尤其在夜晚,一定要穿上較鮮色的衣物或者揮舞一些物件,「咁樣做可以令迎面而來嘅司機及早發現。」
本報記者