鄭嘉穎捧費達拿衰咗

蘋果日報 2007/06/12 00:00


兩位「健康快車光明之星」鄭嘉穎及胡杏兒,昨日在沙田威爾斯親王醫院舉行的「健康快車十載光明行」分享會上,與現場觀眾分享早前往湖南懷化偏遠山區探訪的經歷。
嘉穎說:「見到佢哋咁慘,知道自己有幾幸運,識得感恩,以前會成日諗要追求啲乜,點樣更上一層樓,𠵱家會覺得係無盡頭,最緊要係快樂。」胡杏兒在分享會中看到一些片段時,顯得黯然神傷,她說:「睇到好想喊,不過忍住,見到佢哋覺得自己好幸運。」
另一方面,鄭嘉穎前晚與一男一女友人到中環Soho消遣,其後三人路經一間酒吧,看見電視正播放法國網球公開賽賽事,由於鄭嘉穎的偶像費達拿也有份上陣,故此他即迫入酒吧內欣賞球賽,而兩友人則先行離去,可惜最終費達拿敗陣而回。
採訪:娛樂突發組