公仔箱嘅《百萬富翁》已經播完，但早前PEOPLES乘勢推出嘅手機版《百萬富翁》，唔單止重有得玩，更有新遊戲加入。名為「耳靈手快」的新遊戲，只要用家聽清楚遊戲內嘅聲帶內容，再答中一條同聲帶有關嘅問題，就有機會得到頭獎10,000分(每日1名)或1,000分(每日20名)。而舊有嘅「過關問答」，每局遊戲題目增加至10條，答中頭5條有機會得100,000分(每周1名)，繼續挑戰之後嗰5條題目就有機會得400,000分(每周1名)。攞咗啲分儲埋儲埋就可以換禮物，220,000分就可以換部Nokia8310，重有MD機、DVD機同數碼相機等。不過要提提你，玩呢個百萬富翁要用遊戲金幣，而呢啲金幣要申請短訊組合先至有得送。

記者：招佩珊